Karaj geamikoj,
ni ĝojas komuniki al vi, ke estis kalkulitaj la poentoj, kiujn ricevis dum la voĉdonado kadre de dua etapo de la konkurso la recenzoj, kiuj gajnis en la unua etapo. Krome la honoran mencion de la organizantoj ricevas Klara Ilutoviĉ pro la recenzo "Pri “Esperanto kaj Vivo” de V.V. Samodaj".
Do, jen estas la gajnintoj:
La 1-a loko (16 voĉoj) estas aljuĝita al Vladimir Opletajev pro la recenzo "Ne nur lecionoj". Li ricevos de la eldonejo Impeto monpremion, diplomon kaj libropremion.
La 2-a loko (12 voĉoj) estas aljuĝita al Jorge Camacho pro la recenzo "Malpretertempe". Li ricevos de la eldonejo Impeto diplomon kaj libropremion.
La 3-a loko (9 voĉoj) estas aljuĝita al Zdravko SELEŠ pro la recenzo "NOVA REALISMO DE MIKAELO BRONŜTEJN AŬ ETA TRAKTATO PRI LEGANTO". Li ricevos de la eldonejo Impeto diplomon kaj libropremion.
Gratulojn al la gajnintoj!
Finiĝis la unua etapo de konkurso, kie partoprenas literaturaj recenzoj por la libroj de eldonejo Impeto.
Organizantoj de la konkurso decidis plilongigi la duan etapon ĝis la 15-a de decembro 2012.
Laŭ la rezultoj de la unua etapo la plej multajn voĉojn kolektis sekvaj recenzoj:
1. Recenzo kun la titolo "Malpretertempe" de Jorge Camacho pri la libro "Moskvaj sonoriloj. Antologio de verkoj de moskvaj poetoj-esperantistoj", Impeto, 2007
2. Recenzo kun la titolo "Ne nur leciono" de Vladimir Opletajev pri la libro "Lecionoj por knabo", Mikaelo Bronŝtejn, Impeto, 2009
3. Recenzo kun la titolo "NOVA REALISMO DE MIKAELO BRONŜTEJN AŬ ETA TRAKTATO PRI LEGANTO" de Zdravko SELEŠ pri la libro "Urbo Goblinsk", Mikaelo Bronŝtejn, Impeto, 2010
Kiu gajnu dum la dua etapo decidas demokratie ĉiuj el vi, sendante al la respondeculo pri la konkurso Dima Ŝevĉenko (retumanto@gmail.com) retmesaĝon, kie vi indikos: sian nomon, landon, la meritan recenzon kaj unulinie klarigos la elekton.
Redakcioj de “REGo”, “Scienco kaj Kulturo” kaj "Impeto" rajtas aljuĝi unufoje 5 poentojn al ajna el tiuj ĉi tri recenzoj.
La aŭtoroj, kies recenzoj okupos la unuajn tri lokojn ricevos diplomojn kaj librodonacojn de eldonejo Impeto.
La gajninto ricevos 100 eŭrojn.
Jorge Camacho
Malpretertempe[1]
Moskvaj sonoriloj. Antologio de verkoj de moskvaj poetoj-esperantistoj, eld. Rusia Esperantista Unio kaj Impeto, Moskvo, 2007, 159 p., ISBN 9785716101395.
Jen antologio de poemoj fare de anoj de la “moskva skolo” de la esperanta poezio. Ĉu tia skolo ekzistas? Laŭ la antaŭparolo de la kompilinto Nikolao Gudskov, jes ja, kaj ĝi ekformiĝis fine de la 1950aj jaroj kaj daŭras ĝis nun. Tiu vidpunkto ne kongruas kun mia kompreno de la etikedo “skolo”, kia ĝi estas uzata por rakonti la historion de la esperanta literaturo. Laŭ mia kompreno, “skolo” estas la nomo donata al aro da homoj pli-malpli samlokaj kaj sam-epokaj, ofte sed ne nepre samgeneraciaj, kaj sen devigo havi skolestro(j)n. Konataj ekzemploj estas la t.n. skoloj budapeŝta, skota kaj, se oni permesas ke mi mem tion menciu, ibera, kiun ĝiaj anoj preferas nomi simple “la ibera grupo”. La geografia kaj tempa proksimecoj ebligas intensan kaj fluan kunlaboradon, komunajn trajtojn, interefikojn, kunprojektojn. Ŝajnas do ke Gudskov uzas la koncepton “skolo” malpli strikte – aŭ eble ne, kiel ni vidos poste.
La libro estas dividita en 4 partojn kun iom bizaraj subtitoloj: Genezo (t.e. Deŝkin, Hohlov, Nekrasov kaj Logvin), Profetoj (Gusev, Tornado, Samodaj, Ĥoves, Tonti, Lubjanovskij, Bronŝtejn, Lukjanec kaj Novikova), Nova testamento (Melnikov, Povorin, Giŝpling, Vysokovskij, Naumov, Ilutoviĉ, Ĉajka/Dadaev kaj Arosev) kaj Epistoloj (Aroloviĉ, Besĉastnov, Edelŝtejn, Gonĉarov, Gonĉarova, Gudskov, Ĥmelinskij, Zisman, Zlotnikova plus “la kabeintoj” Basko, Iljina, Jakovlev, Motylova, Rjabov kaj Soljakova/Barabaŝka). Rilate la ordon, Gudskov skribas: “Mi strebis respeguli la kronologian ordon, laŭ kiu la prezentataj poetoj eniris la esperantlingvan kulturon” – aŭ, kiel mi dirus, la esperantan mondeton.
Mikaelo Bronŝtejn
Lecionoj por knabo
Noveloj originale verkitaj en Esperanto
Moskvo: eldonejo “Impeto, 2009. – 128 paĝoj
ISBN 978-5-7161-0199-9
Mikaelo Bronŝtejn: „URBO GOBLINSK“,
Eldonejo „Impeto“, Moskvo 2010
 Kion legas averaĝa literatur-amanto? Kiuj temaoj, motivoj, rakontoj plej bone konvenas al plimulto? Mi asertus: ia speco de eskapisma literaturo – tiu kiu ofertas ion alispecan, esceptan; esceptajn lokojn, sciojn, esceptajn personojn, esceptajn travivaĵojn, esceptan amon aŭ esceptan suferon, esceptan ordinarecon malantaŭ kiu sin kaŝas escepta rakonto aŭ escepta sekreto pri iu momento de feliĉo aŭ de amo aŭ de inspiro … Escepte! Ĉar ni vivas ordinare, normale, eble grize kaj enue, leporkore – ne eksponante sin ĉar ni ne estas stultaj kiel don Quijote aŭ Emma Bovary, ni konas la lokon al ni destinitan, sed tamen ni amas tiun esceptecon kiun la literaturo ofertas: eĉ tiam kiam ni ne identiĝas kun ĝi, kiam ni verdire ne fuĝas al alies vivoj, ilia eksciteco (vera eksciteco aŭ ekscita potenco de amo, de malamo, de kompato, memoro, de kio ajn) amuzigas, antaŭ ĉio, kaj iufoje inspiras – ni bezonas tiun impulseton de eta fido je potenco de deziro, de volo esti pli bona aŭ almenaŭ alia. Vere, tiu leganto ne estas malbona!
Tiu ĉi paĝaro estas bazo por organizi diversajn konkursojn, kiuj rilatas al la Esperanto-literaturo.
En 2012 “Impeto” havos 20 jarojn. Dum tiuj jaroj la eldonejo aperigis 129 librojn en kaj pri Esperanto. Okaze de la venonta jubileo, ni organizas konkurson de literaturaj recenzoj. Partopreni ĝin povas ajna esperantisto, kiu sendos recenzon pri ajna libro de “Impeto” al la konkursa adreso. Recenzoj povas esti jam publikigitaj, novaj, kun subskriboj de veraj nomoj aŭ de pseŭdonimoj. Ni atendas literaturajn recenzojn, t.e. ke ili unuavice malfermu sencon de la verko aŭ ĝia parto, klarigu problemojn, kiujn levis la aŭtoro, montru aktualecon (aŭ ne) de la verko, faru komparon kun aliaj aŭtoroj.
La konkurso okazos en du etapoj:
1. La venintaj recenzoj estos publikigataj en interreto, kie eblos esprimi sian opinion pri la recenzo kaj aljuĝi poentojn povos iu ajn deziranto.
2. Dum la dua etapo restos nur tri recenzoj, kiuj ricevis pli multe da poentoj. Komenciĝos la sekva etapo de la voĉdonado (la antaŭaj poentoj estos nuligitaj). Same, voĉdoni rajtos ajnaj esperantistoj, kiuj registriĝis ĉe la retejo.
Ankaŭ al la voĉdonado aliĝos redakcioj de “REGo”, “Scienco kaj Kulturo” kaj "Impeto", ĉiu el kiuj povos aljuĝi nur unufoje 5 poentojn al unu el tiuj tri recenzoj.
La plej bonaj recenzoj estos publikigitaj en periodaĵoj “REGo” kaj “Scienco kaj Kulturo”. La aŭtoroj de la plej interesaj recenzoj ricevos de la eldonejo pormemorajn donacojn, la gajninto – 100 eŭrojn.
Recenzoj estas akceptataj nur forme de e-mesaĝo aŭ/kaj alkroĉita al ĝi dosiero al la retadreso: recenzo@impeto.ru ĝis la 15-a de oktobro 2012. La dua etapo komenciĝas la 30-an de novembro kaj finiĝas 10-an de decembro. Pri la rezultoj de la konkurso ni anoncos la 15-an de decembro 2012. La solena celebrado de la gajnintoj okazos decembre 2012 en Moskvo.
Voĉdonado por la recenzoj okazas kadre de paĝaro http://trovu.com/plumo. Tio signifas, ke aŭtoro, sendante la recenzon, aŭtomate konsentas pri ĝia publikigo ĉe la menciita paĝaro.
Atentu, ke pri la aŭtoraj rajtoj zorgas mem sendintoj de la recenzoj. Se la recenzo estis ie antaŭe publikigita, estas bezonata permeso ne nur de la aŭtoro, sed ankaŭ de la ceteraj rajtposedantoj.
|
